SUN熱辣：颱風塌樹多清理超負荷

今個夏季，颱風特別多，天文台估計仍有兩至五個颱風襲港；早前韋森特襲港期間，當局便收到逾一千三百宗塌樹報告。然而，各部門經過逾月的清理，不少地區仍有塌樹和枯枝放置地上，負責清理的員工面對突如其來的工作負荷，均怨聲載道，大呼壓力已達臨界點，間接影響清理棕櫚樹葉及豬腸豆樹的效率。

欠人手被責效率低

「韋森特個風太勁，好多大型樹木都吹到倒塌，當中斷咗嘅樹幹、巨型樹葉，就連清潔工人都掃唔到，要等樹木隊派人嚟鋸樹幹後運走。」食環署職工權益工會主席李美笑直言，每次打風，清潔工人的工作量都會大增，在無增加人手之下，壓力必然大增。

有清潔工人則透露，因工作量太多，清理棕櫚樹及豬腸豆樹的工作被延後，「仍有好多地區啲塌樹仲未清理完，上頭已經增加咗『夾樹車』去幫手清理，但都未搞得掂，我哋都受咗唔少氣！仲好介意畀人話我哋工作效率低。」