Sun奇古怪：Sun潮語【發圍】

明日係立法會選舉投票日，無論你係建制派、建制民主派、本土民主派、建設派、破壞派、狂派、博派……都希望你出嚟投票。呢個除咗係公民權利，亦係義務。香港人嘅義務係投票同交稅，如果兩樣都唔做，就唔好怪政府唔理你，因為你連票都唔投，就無權話人哋對你點好點唔好，不喜勿插！

在新政府總部門口住咗幾日，雖然無嘢食無酒飲一日三餐都係清水，但勝在日日鬥志高昂，晚晚萬人空巷，黑壓壓嘅人群重重圍住政總，呢種人民嘅力量真係足令地動山搖。所以香港人要「發圍」，威力真係唔講得笑。

潮語所謂「發圍」，即係一個人或團體突然發火，有時係言語上發爛渣兼反枱，有時甚至郁手郁腳出手打鬥訴諸武力。「發圍」另一個意思，就是突然快速上位飛黃騰達咁解。

其實最近波瀾壯闊的社會運動，也是由幾個不知天高地厚的中學生，敢於對政府高官「發圍」而壯大的，到了今日，已不單止是三幾個中學生的事，而是全香港的事，晚晚過萬人「發圍」去圍政府總部，政府想脫身，真的不容易，更加真的不能不正視。

香港係一個進步嘅社會，香港人亦有另一種方法「發圍」，就係投票！集體用選票踢走啲出賣香港嘅議員，齊心讓有心守護香港嘅人入局，同心「發圍」為香港！