政壇:搞搞政:發叔收Order撐建仔

新界鄉議局主席劉皇發喺今屆立法會選舉左右做人難,事關建仔同鄉事派候選人都想得到發叔支持,爭取數以萬計嘅鄉事票。

鄉事派喺新界東、西都有派人出選,好似新界東,新界鄉議局主席劉皇發最初只係支持自己友邱榮光,但上星期喺鄉議局副主席張學明穿針引線下,終於簽埋同意書支持建仔候選人陳克勤,尋日仲應承落大埔區幫克勤仔站台拉票,點知臨時甩底。據聞,發叔同四個元朗鄉事委員會主席尋日一早被急召上深圳照肺,下午先返港,據聞係要鄉事派全面歸隊力撐建仔候選人。

據聞,今次照肺嘅語氣明顯較以往強硬,有人形容已經唔係「要求」,而係「命令」。有政界人士就估計,鄉紳們未必再撐得落去,聽日投票時幾唔情願都好,都要支持建仔。新界東候選名單仲有張超雄、田北俊、葉偉明、陳志全、劉慧卿、黃成智、蔡耀昌、范國威、湯家驊、葛珮帆、梁國雄、龐愛蘭、何民傑、梁安琪、方國珊、陳國強同龐一鳴。

第一手消息請下載on.cc東方互動iPhone/iPad/Android/Windows Phone Apps

設計圖片及對白