特首梁振英新班子上任只有兩個多月，但經歷嘅難關一浪接一浪，呢個熱廚房真係唔係個個都頂得住。正當新一屆政府需要人才時，唔少政界人士即時諗起公認係醒目女嘅政制及內地事務局前副局長黃靜文，但佢非常堅決要退休，過自由自在嘅生活，佢仲同朋友講，話已經將以往做副局長時候嘅返工靚衫全部燒晒，啲靚袋亦已捐晒出去。
其實佢只係四十七歲，同現任政制及內地事務局局長譚志源同年，活力無限，所以有人就話女人嘅嘢，衫燒晒可以再買過啫。買過晒啲新衫，咪當換季囉！
為堅決要退休，黃靜文話已將以前啲返工靚衫燒晒。（資料圖片）
