尋日咁啱喺中環置地廣場遇到行政會議成員羅范椒芬同朋友飲下午茶,提起最近全城爭議嘅國民教育議題,佢話其實嗰班喺政府總部抗議嘅學生已經講得好清楚o架喇,就係一定要「推翻」,佢哋只係要達到呢個目標,所以政府講咩都冇用。不過,佢就希望市民可以明白政府推行課程嘅目的。
羅范嘅行會同事胡紅玉被委任為開展德育及國民教育科委員會主席,日前見傳媒回應國民教育,聲言尊敬學生嘅立場及繼續聽取意見,佢就大讚胡紅玉講得好得體。
羅范椒芬希望市民明白政府推行國民教育嘅目的。