SUN微博：Sun畸事：癡心妄想
林太前日坦承就任首月，「度日如年」，距今至少已三十多年了，惟前朝遺禍絲毫未減，弄得林太很是心憂。正苦煞思量之際，驚見貪曾從街邊石頭爆出嚟！
貪曾：嗨！我又嚟喇！
林太：你點解死極都死唔去？畀我抖吓得唔得？
貪曾：吓？我仲以為你掛住我啲德政咋？
林太：掛住你？我都講咗唔搞親疏有別喇喎！
貪曾：我知，但係你照推國民教育嘛，我知你係我嘅人嘅！
林太：仲講，依家搞到一鑊泡呀！你估人哋絕食係絕食你啲鮑參翅肚呀？
貪曾：嘻嘻！咁你跟得我，預咗執手尾啦！
林太：好笑喇！邊個跟你？
貪曾：唔係話「要有勇氣推『番』前朝政策」咩？
林太：＊＠％＃＊＠％＃（＆
（花生友如有對號入座，請食自己）