政壇：政商定格：內地尖子訪港金融遊
香港金融業做得出色，所以自然吸引唔少內地專才嚟參詳，AXA安盛近排搞咗個tour，畀啲內地尖子來港參觀金融機構，同埋佢哋嘅理財產品，如果大家「情投意合」，會順便招攬內地尖子加入該公司添！
呢班大學生好多都係富二代，嚟自北京工商大學、廣東金融學院、中山大學等，畀錢參加呢類交流團絕不手軟。喺短短一個禮拜入面，佢哋馬不停蹄去咗好多地方，好似金管局、瑞銀、彭博社同天大證券等。去天大證券睇過，見到天大證券資產管理董事施俊威向佢哋分享揀股心得，連法巴上市衍生產品部聯席董事趙海珠都有到場做嘉賓，介紹香港嘅輪場發展，班大學生聽完都話眼界大開，認識多咗香港嘅金融業，仲話畢業之後想嚟香港發展添。
十一個內地大學生參觀天大證券，認識香港金融業。（首排左四為趙海珠、左五為施俊威）