SUN世代：探訪山區學懂珍惜
「見到佢哋，你會發現我哋喺香港，真係好幸福。」翁成鳳口中的「他們」，是一班內地山區小孩。去年十一月，她參加了由青年商會舉辦的探訪團，親身到貴州山區與當地小孩接觸。五日四夜的經歷令她感觸良多，「香港小朋友可能好想要一部iPhone或者iPad，但嗰邊嘅小朋友，收到我哋送嘅一支普通鉛筆，已經好開心，嗰啲笑容係由心發出嚟。因為生活簡單，佢哋好珍惜身邊每一樣嘢，呢種態度好值得我哋學習。」
回港後，她決定加入青年商會，除擴闊眼界和生活圈子外，更希望多參與社會服務工作，並期望再到山區探訪。「好多時候，我哋都會打個電話捐錢，或者幫手籌錢建學校，但我覺得去到當地，親身將善款交到小朋友手上，不單可以令小朋友真正感受到我哋嘅關心，亦令自己有所反思同得着。」
翁成鳳（左）認為探訪可讓當地小孩感受到捐款者的關心。（受訪者提供）