SUN微博：打橫嚟講：喧嘩醜惡的獻藝節目

都唔記得已有幾多年，無睇「乜乜小姐」競選了！我用「競選」代替「選美」，係因為呢個節目早不是「選美」，更不是靠選「美貌與智慧並重的佳麗」為首要任務，而係靠「賣弄」。

賣弄色相、賣弄無知、賣弄鄙俗。

參選的女孩子，為「前途」，出示「事業線」，甚至蒲精扮純情，也算吧！可恨，貴為香港獨大的電視台，竟年年讓那些臭口的男主持，公然大講誨淫誨盜的賤語，而且愈來愈過分，不加阻撓，只為收視，到頭來，高貴的選美節目變成被人蔑視的低級下流代名詞。

四年一度的立法會選舉，本來是全港市民選代表自己權益的一個重要活動，可惜，又是鬧劇一場。看看那些人不似人，鬼不似鬼，心存歪念的「候選人」，做埋啲卑劣行為，賤到無倫的叫人毛管戙，點搞呀！

嗱！不特只一班怪異的政治動物亂竄，試問電子傳媒安排的大辯論，又係啲乜嘢貨色呢？為求有反應，專登搞啲撥火等交嗌的環節，令參選人互片對質，潑婦罵街加爛佬賤MAN狂插，聲疊聲嘈到叫人熄機為止，根本不是比政綱、講理念的決賽，而係令人不想投票的一門「偽術」，講到底，就係要香港人政治冷感！

大陸的奧運選手來港「獻藝」（不是「獻技」），又開始出現大量空櫈，這跟選美和選舉一樣，已不受歡迎了！原因？心照吧！正反映香港人確多不滿呀！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：保釣男點睇蒼老師？

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot