SUN微博:Sun畸事:板間新大陸

香港生存空間太細,細到一間七百呎村屋要住十幾個人,仲要唔係香港人係黑人(會大隻啲佔多啲空間)。納粹嘅解決方法係殺咁啲人,前蘇聯就流放咁啲人,美國就派杭思朗(Respect!)上太空搵生存空間,香港地嘅做法就係搶住凶宅。

黑人:唔該,我係黑人,想申請夾屋。

正苦:夾屋已經唔存在啦,揀過第二樣。

黑人:咁居屋呢?

正苦:未推出喎,你再等下先啦。

黑人:村屋有冇?

正苦:元朗聯合國已經玩完,依家唔收外人。

黑人:咁我瞓天橋底啦。

正苦:食環署女職員會嚟收你張被。

黑人:咁我可以點?

正苦:依家有凶宅出租,你租唔租?

黑人:我租我租!

正苦:單位就得二千個,依家有七萬人申請,難中過頭馬少少啦。

黑人:咁我去賭兩手贏啲錢嚟租劏房會唔會仲實際啲?

正苦:都唔係唔得嘅,不過劏房已經唔存在,租板間房啦!

(花生友如有對號入座,請食自己)

第一手消息請下載on.cc東方互動iPhone/iPad/Android/Windows Phone Apps