【路邊社消息】話說候選議員黃成實落區派包派着我，我見佢選舉前一兩個月先嚟派包，肯定唔多老實，就質咗個包入佢口，點知佢一轉身食個豆沙包就打晒冷震仲自言自語，係咁話「有啲人做剩女係為咗增加性伴侶」，我就知原來個包就係「誠實豆沙包」！即刻問佢個包點嚟，佢突然就耍套太極，仲用英文答我，但係佢英文實在太差，我拉咗街邊一個剩女做翻譯先知佢講乜：「……道德操守有問題！」我知，就好似有啲人派麵包係為咗選立會議員，道德操守真係好有問題囉。
