身為日籍台灣人嘅「私人貸款之父」、亞洲聯合財務董事總經理長原彰弘家有喜事，事關囝囝長原京毅為佢添咗名孫女佳奈（Kana），令佢首嘗做爺爺嘅幸福滋味，孫女嘅生肖同佢一樣屬龍，難怪錫到入心。日前長原家族為小龍女擺百日宴，到賀賓客逼爆現場。
精靈可愛嘅小龍女甚得靚媽咪顏怡（Nadia）真傳，眼仔睩睩唔怕陌生人。Nadia嘅父母亦專程由台灣嚟探望愛女同外孫女，顏爸爸係台灣望族辜濂松嘅表弟，今次首次升格做外公，開心到笑不攏嘴。
長原京毅（右一）同太太顏怡（右二）喜獲千金，長原彰弘夫婦（左二、一）開心到震。
