政壇：政商定格：李桂蘭老公生日三級對白
向來係Party Queen嘅社交界名人Olivia李桂蘭，早前為老公戴偉詩（Peter Davis）大搞七十歲大壽生日派對。知道老公鍾情壽包，佢特別預備咗七十個熱辣辣嘅壽包，「壽包山」一推出嚟，賓客嘩然。有外籍女賓客好奇大叫：「係乜嚟o架，點解有咁多矽袋？」嚇到主人家唔知好嬲定好笑，急忙解釋。
大仔戴振華、女兒戴尚蓮同三仔戴尚文由英國返港同爸爸賀壽。戴家子女向來有藝術細胞，擅長攝影嘅尚安，帶頭為爸爸拍攝一段搞笑紀錄片，片中搬出爸爸當年追女仔嘅陳年舊照，嘲笑爸爸頭頂髮絲今非昔比。咁大整蠱，Peter睇完不單止唔嬲，仲笑到見牙唔見眼。
戴偉詩（右三）七十大壽，太太李桂蘭（右四）同班仔女一齊送上七十個巨型壽包。（受訪者提供）