政壇：潘石屹買錯鞋畀網民寸
SOHO中國主席潘石屹一向敢言，經常喺微博爆料，尋日佢將自己瘀事公開，可能想大家同情吓佢。點知雖然一日內有超過六千條回應，可惜都係揶揄佢居多！
潘石屹話買咗對鞋，着咗陣隻腳起晒水泡，先發現原來對鞋一隻係八號，一隻係七號，明顯係畀個售貨員呃咗！網友唔止冇同情佢，仲叫潘總唔好怪個售貨員，因為對鞋一隻賣緊嘅係建築面積，另一隻賣緊實用面積。有網友又借題發揮，買錯鞋去搵個售貨員，好易換番對一樣SIZE嘅鞋，而小市民買咗樓，發現建築面積同實際面積有好大誤差都好，發展商根本就唔會理。
