政壇：議員報販齊撐反私煙
喺立法會飲食界自動當選嘅張宇人同批發及零售界方剛，前日出席由煙草事務協會（煙協）嘅「全民參與打擊私煙教育及宣傳活動」，聯同全港報販大聯盟發起誓師大行動，呼籲全港報販堅決唔賣私煙。
煙協發言人章健華話，海關喺過去幾年竭力打擊私煙，但要遏止私煙活動，必須結合政府、業界同各地區組織力量，齊心共謀對策，因此佢哋促請政府審慎檢視調整煙草稅嘅策略，減少誘發私煙嘅元素。
全港報販大聯盟主席廖社青就語重心長話，希望透過呢次活動可以提醒報販切勿犯險賣私煙，佢又相信有唔少市民為咗慳錢轉食私煙，並非好似政府一廂情願所諗會戒煙喎。
張宇人（中）、方剛（右）聯同全港報販大聯盟等組織，一齊誓師反私煙。（受訪者提供）