行行出狀元:o靚模當自強

姬摩絲、娜奧美金寶及Heidi Klum等外國超模,蜚聲國際,是模特兒界的大紅人。紅透半邊天的成功感,令「我要成名」的少女趨之若鶩。以前想踏上天橋必須要過五關斬六將,但近年o靚模的出現,給予少女飛上枝頭變鳳凰的途徑。o靚模人氣熱爆全城,成名後又獲得拍電影、電視及廣告等工作,搖身一變,成為人氣偶像。

羅堃尉(Karen)及許亦菲(Katie)在模特兒界打滾四年,是新一代走紅的少女模特兒。她們由私影模特兒出身,貪靚闖模界,Karen說:「我十六歲接觸模特兒工作,初時係因為見到小學同學影嘅相好靚,我想知自己可唔可以咁靚,咁就去試吓啦!」一影就上癮,其後她參加網上私影會,憑甜美笑容而出鏡率漸增,慢慢成為私影界的人氣模特兒。「有公司上網見到我啲相,都有叫我去Casting(試鏡)。」Karen直言因私影靚相,得到不少試鏡機會,對一個新進模特兒來說,是很鼓舞的事。

主動:最緊要面皮厚

Katie則在十八歲成為私影模特兒,最初只抱玩票心態,但她漸漸愛上當模特兒,希望以此為職業。當時仍在求學階段的她,已主動將靚相寄給模特兒公司爭取試鏡機會。

別以為憑幾分姿色闖模界,接Job便無難度!事實是Karen及Katie初入行時經常試鏡失敗。Karen說:「試過一日試鏡十次都唔中,都幾唔開心。」她曾參與舞台劇試鏡,導演初時指她試鏡合格,會給她角色,但事後沒有下文,令Karen甚為沮喪,但她並不氣餒:「做新人最緊要面皮厚,唔試過又點會成功呢?」

Katie亦有試鏡失敗的經歷,她直言出道頭三年是摸索期,不停試鏡,不停失敗。

失敗:頭三年摸索期

每年有逾百名少女加入o靚模行列,保守估計,現時全行有逾千名模特兒。當中有人吸金力強,如Angelababy出道至今狂出寫真,又接拍廣告及闖日本發展,單是去年已狂接十五個廣告,廣告收入逾三千七百萬元,再加上電影片酬,去年收入估計已達半億元。

外界以為做模特兒一定「錢」途無限,但箇中辛酸鮮為人知。Katie說:「曾經有四個月時間冇工開,但好景時一個月都賺過萬。」

在大眾眼中,模特兒只是行天橋、影靚相、拍廣告,屬Easy Job,但其實現今的模特兒工作愈來愈多,除了參與廣告拍攝外,還需參與演藝界工作及代表品牌出席商業活動,又要拍電視劇、電影等。Karen及Katie坦言挑戰很大,加上每年新人輩出,若不自我增值,必會被淘汰。

裝備:學跳舞讀外語

入行四年,Karen深諳此道:「我好擔心有日畀人遺忘,又擔心被新人搶去名氣,我會繼續努力。學習跳舞及多種語言。」今年她正式簽約模特兒公司,為長遠發展做準備。

近年o靚模湧入模界,有人賣肉博出位、博見報,令人對少女模特兒產生負面印象,Karen及Katie強調絕不靠賣肉博見報。Katie直言:「靠性感上位嘅o靚模好難留得耐,遲早會畀人睇厭!」現時,Karen及Katie都主力拍廣告為主,除了參與硬照廣告及電視廣告外,還希望作多元化發展。

第一手消息請下載on.cc東方互動iPhone/iPad/Android/Windows Phone Apps

趙燕萍

Karen:「做新人最緊要面皮厚,敢搏敢試,唔試過又點會成功呢?」

Katie:「靠性感上位嘅o靚模好難留得耐,遲早會畀人睇厭!」

Karen早年穿着比堅尼泳衣參加試鏡活動。

Karen形象百變,經常以不同造型拍攝廣告。

Katie早前曾與Karen及林峯合作拍飲品廣告。

除了拍攝廣告工作外,Katie曾參加電視台舉辦的飲食天王頒獎禮的形象大使。

Katie曾拍多個電視廣告。