政壇：莊偉茵難忘國泰空姐歲月
服務國泰航空十四年嘅莊偉茵（Quince，圖）快將過檔中華電力，最近佢亮相刊物《國泰天地》，仲有張Quince當年嘅空姐照。原來Quince○○年調任做機艙服務總經理，○一年考獲空姐牌，到○四年獲委任做企業服務董事前，平均每兩個月就要做一次空姐，呢張相就係佢第一日返工時影嘅。
不過，總經理「降呢」做空姐，認得佢嘅同事頓時好緊張，但佢呢個「新手」都好謙虛，一樣落手落腳斟茶派包推餐車。講到國泰歲月，Quince又憶述，九八年入職時，國泰首次中期業績虧損，到佢本月離職又再次錄得虧損，令佢不勝感慨，但佢依然對舊公司充滿信心。
