政壇：名人品鑑百年鐵觀音
名茶極具吸引力，流傳逾百年嘅福建安溪極品鐵觀音「賽珍珠」日前首次來港舉行品鑑會，前民政事務局局長何志平太太胡慧中及聯合國兒童基金香港委員會主席陳晴（Judy）等均被吸引，福建幫僑領楊孫西、林樹哲、洪祖杭亦齊撐場。
深諳茶道嘅楊孫西就分享佢嘅茶經，原來佢每日必飲四種茶，朝早起身先歎武夷山岩茶醒腦，中午飲綠茶放鬆身心，下午時段必飲紅茶，夜晚就飲普洱茶或湖南黑茶，包保消滯又好瞓啦。
獨家秘製極品靚茶賽珍珠嘅八馬茶葉董事長王文禮，係鐵觀音發現者王士讓嘅第十三代傳人。佢話賽珍珠矜貴之處在於嚴格保持傳統嘅濃香醇厚，早喺百幾年前，八馬嘅前身信記茶行就經香港出口鐵觀音到東南亞各地，同香港好有淵源o架。
楊孫西（左）與林樹哲（右）悠閒歎茶撐鄉里。