SUN熱辣：選購運動鞋墊位須軟硬適中

如何為小朋友挑選適合的運動鞋？香港理工大學康復治療科學系物理治療臨床導師曾敏霞建議，選購運動鞋時，需留意鞋墊及足弓位軟墊的硬度，可否提供足夠承托力。亦要留意小孩穿上運動鞋後，腳趾有沒有足夠的活動空間，以及是否感到不適。

「要測試運動鞋軟硬度，可以同時握住鞋踭同鞋中間位置，可以輕易扭動整隻鞋，咁隻鞋就太軟，承托唔到後踭嘅重量，但完全扭唔到就代表太硬。」

曾敏霞續指：「運動鞋應該有足弓位軟墊，不過軟墊唔可以太軟，一踩就扁，太硬着一陣就會痛。另外，亦要留意着咗對鞋後的步姿，如果與平常不同，就可能係對鞋令佢唔舒服。」

曾又說，比較活躍、身體較重、柔軟度高以及患扁平足的兒童，更須留意鞋墊及足弓位的承托力：「因為患扁平足嘅原因，就係腳踭及中間肌肉較弱，令肌肉下墮，形成扁平足，再唔提供足夠支撐，可能會影響前掌肌肉，甚至導致拇指外翻。」至於鞋墊的厚薄，則沒有一致標準，視乎兒童體重以及舒適度。