SUN微博：Sun畸事：地產風雲
〔收地巨貪案〕「慾海．難返」樓盤項目捲巨貪案，主席大瘤即時潛水，真係「蛙人至孽」！澳門上訴手續繁複，買家退訂無期，認真麻交煩！
大瘤：畜牲！收我塊地！
買家：畜牲！收我錢唔交樓，又唔退訂！
大瘤：佢要收我塊地，無計o架喎。
買家：咩無計，我有計！僭建幾棟嘢出嚟，咁咪有樓囉。
大瘤：嘩，會唔會好似馬頭圍道單嘢咁，冧落嚟o架？
買家：都唔係第一次啦，好似「崇肛」咁都僭建咗帳篷啦。
大瘤：我「崇肛」出咗事……要拆……
買家：我仲買咗「蛙人至孽」股票，蝕到我賣女都唔掂……
大瘤：壯士一去兮不復還！我唔會再返澳門o架啦。
買家：壯士？即係去死？
大瘤：唔係，我去英屬維京群島避吓稅啫……
買家：今次真係將錢掟落「慾海」，「難返」啦……
（花生友如有號入座，請食自己）