政壇：政商定格：陸東買金拒鑽畀老婆詐型
鑽石係女士至愛，不過係咪最佳投資就言人人殊。有「星級分析員」之稱嘅Look's Asset Management董事總經理兼投資總監陸東（Andrew）就強烈建議揀黃金嚟投資，仲自爆因為呢個建議，畀老婆詐佢型添。
黃金嘅避險角色一直冇變，七月尾金價每安士1,500美元，依家已經穿1,600美元，早幾日金融大鱷索羅斯盡顯「撈底」本色，喺低位大手增持黃金ETF。不過Andrew都話：「女士們實唔鍾意聽，不過世界上供應量最大嘅就係鑽石，你去掘就有；相反黃金先係真正貴金屬，產量有限，可以保值。」佢仲自爆，佢將呢個事實講畀老婆聽時，卻換來對方一句：「你唔想買畀我啫！」
陸東寧願揀黃金嚟投資，都唔想揀鑽石。