政壇：洪祖杭爆福建幫撐建仔
九月立法會選舉，港島區競爭特別激烈，政圈有傳得到福建幫祝福，港島勝出機會就穩好多。福建社團聯會永遠名譽會長洪祖杭尋日就話明支持建仔曾鈺成、鍾樹根兩張名單，至於長年扎根北角嘅立法會議員王國興，洪祖杭就話對方有工聯會支持喎。福建幫兩大巨頭林樹哲同洪祖杭日前出席活動時，林樹哲起初諱莫如深，再三追問下先話下月一日至講。不過洪祖杭就以肯定嘅口脗話福建幫只會支持曾鈺成同鍾樹根名單。其他建制派嘅候選人睇嚟要自求多福囉。香港島候選人仲有單仲偕、葉劉淑儀、劉健儀、劉嘉鴻、陳家洛、何秀蘭、吳文遠、勞永樂、許清安、吳榮春、何家泰。