政壇：政商定格：葉茂林三子女回巢助父
喺現代社會做到「子承父業」已經好難，仲要三個仔女都做到，呢種都係福氣嚟嘅。邊個咁有福氣？咪就係耀才證券嘅老細葉茂林，三個仔女都已經入晒公司，佢希望佢哋可以快啲接手，等老竇環遊世界咁話。
前幾個月同葉生嘅二女Jacquelyn傾開偈，嗰時佢都係啱啱返公司幫Daddy手，專做admin、HR方面，尋日佢講番呢幾個月嘅工作心得，仲介紹咗細佬Ron畀記者識，話佢亦都返咗嚟公司幫手一個月，主力做對外online marketing。
計埋大哥做IT，即係三兄妹都已經回晒巢，咁Daddy係咪部署退休呀？即刻問吓葉生，佢笑到好燦爛咁話：「係就好呀，仲愈快愈好添呀！要快啲享清福！」
葉茂林希望三個仔女可以快啲接手工作。（資料圖片）