政壇：人力再派鳥籠困白鴿小冊
早兩日講過人民力量為咗撕破白鴿黨嘅假面具，不惜動用選舉資金印製名為《偽民主派賣港實錄》嘅小冊子，等市民認清白鴿黨真面目。
繼九龍西之後，九龍東亦已經開始派發，雖然內容大同小異，但封面就唔同，用咗「鳥籠困白鴿」，唔使問都知係諷刺緊白鴿黨啦。雖然呢本嘅封面冇九龍西嗰本咁直接，但寓意就更深遠。
其餘三區亦會陸續派發呢本內容咁豐富嘅好書，九龍西印足二十萬本，如果其餘幾區都係印呢個數目的話，就會有一百萬本見街，要做到人人手執一本並非冇可能，唔知到時班白鴿見到會唔會再次抱頭鼠竄，見到街坊就掉頭走呢？
