政壇：易志明業界利益大過黨
富貴黨喺立法會直選腹背受敵，但功能組別三位議員就無驚無險自動當選，其中一位「新鮮人」就係航運交通界嘅易志明。一入到議會，好多時都要就唔同議題表態，但佢講到明，雖然自己係富貴黨，但業界利益始終要凌駕黨立場，所以唔一定次次都跟住黨投票。睇嚟富貴黨日後同政府拗手瓜講數時，易志明嗰票都唔係好穩陣喎！
其實易志明身兼九倉執董呢個身份，令外界好自然聯想到，佢喺議會入面幫九倉講好說話，更可能影響投票取向。不過，佢講到明議題一涉及九倉利益，佢最多只係發言，一定唔會投票，避免利益衝突。
