次世代生活圈：股壇小將 有本未為輸

年輕一代投身職場，脫離零用錢一族，自然想開源節流，令財富增值，日後有車有樓。有人選擇當「啃老族」，問父母借首期，吃飯住屋黐屋企，但有應屆大學畢業生，早將積蓄投資股海，曾將六千元變十萬元，但轉瞬間又只餘三萬元在手。股票大上大落，雖說青春無限，懂得未雨綢繆，財務才可獨立自由。

「呢個世界有通脹，唔投資每年都蝕錢。」Charles二十歲出頭，雖然今年才於中文大學計量金融學系畢業，但他七歲已跟爸爸學買股票，十五歲拿着六千元利是錢入市，早已是「老股民」。他說：「投資梗係愈早愈好，年年賺一兩成，加上去就好犀利。」

為節流日用100元

Charles又說︰「喺股票市場，先可以用咁嘅錢投資，所以好啱我哋呢啲無乜資本嘅後生仔。」十七歲時，他賺了十萬元，不過遇上金融海嘯，最後輸剩三萬元︰「比起輸身家嘅人嚟講，已經好好。」近來更愈賺愈多，他解釋原因是一直都重視風險管理︰「機會幾時都會嚟，但本金蝕晒就唔可以翻身。」

Charles對節流亦有一套，每日只用一百元過活，不過他說︰「最緊要慳大數。」他昔日於加拿大交流，為慳宿費，開學後三天都在圖書館過夜，待坊間業主割價促租，結果四個月交流期內，所用租金比其他同學慳了近千六港元。他說︰「都係一場博奕。」

現時Charles跟朋友於數碼港經營投資公司，但至於何時買車買樓，他心中仍未有一個限期。他指一指背後的貝沙灣豪宅說︰「你唔會一開始就話我想住嗰度，任何嘢都要一步步嚟。」除了擁有物質，他說賺錢是為了自由︰「唔想因為錢做唔到你想做嘅嘢。」