SUN微博：打橫嚟講：來生笑做太空人

做人難，做太空人更難，尤其是強國的太空人。

由一個小平民爬升上做太空人，除咗查三代、過五關斬六將爭上位，和嚴格訓練外，那控制住幾千億投資的太空船，已不小嘢，背後仲有地球四分一人口的強國人民雙眼𥄫實和期許，雷池半步，定必死無全屍！

上到萬九幾千里嘅太空，做科研不在話下，仲要記住落足眼力，在長城附近搵番那閃閃生輝的東方之珠望多兩眼，因做中國航天員，返落地球後，一定要先嚟香港打個轉，揮揮手替這裏的怨氣降溫，順便幫幫忙宣傳一下「國民愛國教育」，故此，那劉旺話：「（在太空艙內），我只盼着快到香港，我們在船艙等着，看到底下香港的夜景有多美麗。香港的夜色是異常美麗。」希望佢無老花！

來到香港，一定要懂的，係唱《龍的傳人》，及要面對「被安排」的路人甲乙丙的熱情歡呼，再者，亦須得體的回答「被安排」的學生幼嫩問題，例如在太空會食乜嘢？點沖涼呀？有無想念地球同家人呀？當所有問題都係「被欽點」隨機抽籤發問時，幸好沒有抽中「如何大小便？」或「你鍾意乜嘢顏色」，又或「你的底褲係乜嘢色㗎？」之類……

最失策，香港的保安睇唔實一班大學生，竟讓佢哋踩場示威，高呼「上太空，假大空」，真無癮！好彩，有記者在山頂問：「近距離睇香港，覺得點？」太空人答：「這裏看，具體得多！」哦！

太空人做完Show，Bye Bye之後，另一班運動員又來了！歡迎！歡迎！

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊(目及)實政府

就係敢爆：叮噹誕生前100周年

讀者可透過智能手機下載「東方互動」app，於「爆料」項上載影片，每個星期三《太陽報》及ontv同步大爆特爆！

email：sunweibo@opg.com.hk

「就係敢爆」網址tv.on.cc/hot