政壇：搞搞政：泛民計錯數阿基唔夠票
超級區議會合共有五席，以整個香港作為選區，泛民主派同建制派都力爭「坐二望三」，坊間一般相信建仔劉江華、工聯會陳婉嫻同白鴿黨鐵頭仁勝出係冇懸念，最後兩席將會係民協馮檢基（阿基）、白鴿黨涂謹申同建仔李慧琼之爭。
不過，有熟悉選情嘅親中人士分析，爭取以最後一席入局嘅李慧琼如無意外會順利當選，因為泛民疑似計錯數，冇計泛民同功能界別票源重疊嘅問題，粗略估計涉及教育界、社福界同會計界共有十萬死忠泛民支持者，呢個情況對同教協有密切聯繫嘅白鴿黨影響最深。
話時話，爭取連奪兩席嘅白鴿黨喺票源吃緊嘅情況下，為求自保根本冇可能過票甚至保送阿基入局，阿基冒住滅黨嘅危機都要選超級區議會，如果最後疑因泛民漏招要同議席擦身而過，到時認真喊都無謂！已報名超級區議會選舉嘅仲有白韻琹。
設計圖片及對白