政府早就宣布會重設扶貧委員會（扶委會），政務司司長林鄭月娥尋日就聯同勞工及福利局局長張建宗、今屆扶委會籌備小組成員，同一班前扶委會委員見面交流，又出席香港社會服務聯會活動，聽吓大家對扶貧嘅真知灼見。
眾所周知，林鄭嘅前上司、前政務司司長唐唐係當年扶委會嘅主席，當大家熱切期待唐唐同林鄭兩位新舊政務司司長歷史性會面之際，先至發覺政府根本冇邀請當年嘅扶委會官方成員出席尋日嘅會面，令唔少人大失所望。