政壇：政商定格：張雅麗母子巴塞拜師學畫
港島婦女聯合會主席Carol張雅麗趁暑假飛西班牙學畫畫，仲入住畫家嘅特色環保屋，全屋靠太陽能發電，就算屋內冇冷氣，依然感到涼浸浸。原來佢早前喺網上覓得一位獨特嘅畫家老師，於是趁七月底出席完鋼琴家郎朗喺倫敦嘅古帆船演奏會後，就慕名飛去西班牙巴塞隆拿拜師學藝，同行仲有囝囝晉熙，實行嚟個親子藝術之旅。
由於畫家老師住喺與世隔絕嘅小島，Carol兩母子先由巴塞隆拿坐兩粒鐘飛機，再加兩小時車程先至到達。放低大包小包行李後，Carol馬上報讀一個三天速成嘅水彩班，學習色彩同構圖等技藝。畫室寧靜到極，對外通訊全靠衞星電話，佢全情投入畫畫，眨眼完成一幅風景畫，老師都讚佢天分高添！
張雅麗飛西班牙小島學畫畫，認真浪漫。（受訪者提供）