日前再為「劏房風波」解畫嘅發展局局長「波波」陳茂波，話會放一個禮拜假陪囡囡去美國開學同探患病嘅老人家，咁啱上周六有傳媒影到佢同太太許步明現身機場，但波波並冇同太太一齊上機。莫非佢陪囡囡開學嘅行程計劃有變？
我哋向發展局查詢，發言人話波波尋日上咗飛機，遲咗兩日起程係要處理私人事務。波波會先去加拿大會合太太，探望兩位患病嘅家屬，然後再去美國送囡囡開學。發言人又話，雖然唔知波波嘅確實行程係點，但好肯定佢下周一會返工喎！
陳茂波（左）會先去加國會合太太（右），再去美國送囡囡（中）開學。（資料圖片）
