SUN微博：Sun畸事：誠品．儒

寶島連鎖文藝青年聖地、誠品書店首度衝出台灣，落戶香港滿是銅臭的銅鑼灣。這當然仍擋不住香港一眾文藝青年朝拜的決心，因此開業首天，人山人海。此時，一位溫文爾雅、風度翩翩的君子，恰似當世大儒，悄然來到，向人群發話……

誠品．儒：諸位文藝老中青年，請聽我一言！

路人：WTF？

誠品．儒：在此文化沙漠，難得諸位熱心人士，支持文藝，不勝感激！

路人：其實我來買番梘同花茶咋。

誠品．儒：嗚呼！原來諸位並非皓首窮經之輩，孔聖人道理，如今亦只如啞視一般，搵鬼睇矣！

路人：啞視？哦！我認得你啦，你係啞視征哥養嗰個兒皇帝！

誠品．儒：是朕又點呢？

路人：（擸高衫袖）做得啞視，無論係唔係大陸，都預咗畀人打啦！

誠品．儒：哎呀！誤會呀！

路人：誤會？

誠品．儒：我哋鬼有錢請攝影師咩！

(花生友如有對號入座，請食自己)