政壇：政商定格：胡敏珊生日利是濟貧童
「鐘錶界美女」Christie胡敏珊前晚舉行生日派對，壽星女整晚情緒高漲，不時興奮地唱歌跳舞，踏入凌晨十二點，由一班猛男好友陪同切蛋糕。Christie話：「我想多啲人做慈善，今晚每個嘉賓都收到我送畀佢哋嘅手錶，而我叫佢哋捐利是。利是唔係我要，係捐畀印尼七百個小朋友，當係支持我生日。我工人係印尼人，知道印尼有間慈善機構唔係太多人捐助，希望可以幫助小朋友改善生活。之前我都同成班同事去麥當勞之家表演魔術同派禮物，之後又去捐血。」有乜生日願望？佢話希望事業更好，呢排成日飛日本、韓國做嘢。咁感情生活呢？佢話：「今日好似係，聽日又好似唔係，都係事業為重。」
胡敏珊生日都不忘做善事。