政壇:利氏家族撐希慎廣場開幕

希慎興業嘅new baby「希慎廣場」終於出世,咁大件事,希慎大股東利氏家族可謂總動員為new baby慶生,有幾大陣仗?十隻手指都數唔晒佢哋家族成員嘅數目呀!

希慎主席Irene利蘊蓮負責開幕大典,佢話:「好期望希慎廣場可以成為區內地標。」成日都話香港經濟同零售市場放緩緊,佢就話唔擔心,有信心長遠市況能夠穩定發展。

個project咁大,Irene最欣賞喺四樓嘅空中花園,可以提高物業的環保及綠化意識。希慎興業企業傳訊部盧曼清講,希慎廣場商場租戶超過一百二十個,尋日有近一百個租戶已開業,至於商場平均呎租大約一百五十蚊,今年上半年整個希慎廣場租金收入約八千七百萬元。

第一手消息請下載on.cc東方互動iPhone/iPad/Android/Windows Phone Apps

搵樓18即睇最新樓價走勢、最全面地產新聞及筍盤情報

利蘊蓮(右五)同成班利氏家族親友,一齊迎接希慎廣場嘅誕生。