余若薇對答實錄

問：點解公民黨○九年會同外界講係由一名支持者擁有總部物業？

答：記憶中唔係話有一個支持者，而且由頭到尾都無轉過。黨員好清楚，我哋搵物業，因為加租加到好貴，交幾多錢租全部清楚，話支持者買都無錯，一個、兩個，都可以話支持者㗎。

問：公司股東嘅持股量係咪等於出咗幾多錢？

答：出幾多錢咪幾多股囉。

問：你廿幾股即係畀咗四百幾萬？

答：差唔多啦，係咁多。

問：公司收到嘅租點用？有無人自己「落袋」？

答：無用過啲租，（租金收入）無百幾萬咁多。公司有支出，商業登記呀、交稅呀，呢啲都係公司畀，其他錢喺公司戶口。

問：湯家驊話有人希望可以收租保值，無人自己收番租金？

答︰因為唔係淨係黨入面嘅人，真係要用（租金收入）要開會大家討論。

問：可唔可以詳細交代下股東嘅身份？

答：我都唔係全部知邊個，公司註冊處有晒名，你自己對囉。