持牌竹館奇招救亡

【本報訊】地下麻雀館當道，持牌合法麻雀館經營愈見困難，有經營者坦言為吸引客人，要提供利是、食物等，令到成本大增。

與地下麻雀館一樣，合法麻雀館主要客源亦是打大陸牌客人，現時合法雀館差不多九成客都打大陸牌，只有小部分仍提供廣東牌耍樂。

食品講究 間中蝕錢

廟街麻雀館經理謝勇民指出，現時雀館為吸引客人，有很多雜費支出，影響麻雀館收入，謝勇民解釋，每位客人坐下就要畀二百元利是、一百元的士費，每枱成本達一千二百元，「抽水是每百元抽五元，自摸則抽百分之十五，客人打得愈耐、愈大同食胡快，先有錢賺，所以啲客千祈唔好『貨如輪轉』，否則新客又要畀過利是、車錢。」

「細客就飯盒、三文治，大客要食燕窩、魚翅，依家打大牌嘅通常係內地客，一鋪上落可以一至二萬元，拉勻生意計，每小時利潤都係六百至八百蚊左右。」麻雀館照顧客人胃口又是另一大開支，謝坦言，麻雀館間中會出現蝕錢的情況，但因不愁沒有「賭仔」，因此長年計，雀館仍有錢賺。