次世代生活圈：即影即有 發燒友創業

年少愛追夢？香港地，地少租貴，小舖大呼搵食艱難，紛紛「投降」結業，年輕人要實現創業夢比登天更難。但有八十後寶麗來發燒友，決心將興趣化為事業，在樓上開舖創業。在他心中，年輕就是本錢，失敗可以重來，嘗試過，至少不曾白過。

「咔喳」一聲，寶麗來相機緩緩吐出一張即影即有相片，亦「織」出八十後的創業夢。走進灣仔一間六百多呎樓上舖，舖裏放滿了近百部林林總總寶麗來相機。回想當初，八十後店主Jimmy坦言創業路從不平坦︰「淨係搵舖都搵咗九個月，唔係地方唔啱，而係租金太貴。後來有經紀介紹，先至搵到呢個樓上舖。」

相片獨一無二就像青春

去年，他放棄在酒店業界的高薪厚職，動用數十萬元積蓄，毅然創業，賣的是漸被人遺忘的寶麗來相機。中學時代，Jimmy受日劇影響，「貪得意」買下人生第一部寶麗來，後來到瑞士留學，在跳蚤市場發現各款二手相機，不知不覺間，儲下百多部寶麗來︰「最初諗過開咖啡店，後來發現香港好似無寶麗來專門店，咁啱自己鍾意，又係興趣，咪冒險一試。」

寶麗來的價值，在於相片是獨一無二，不可複製，Jimmy認為青春亦然：「後生少啲負擔同顧慮，就算失敗咗都可以再嚟過，但錯過咗呢個時候，可能永遠都無機會試。」至今開業大半年，Jimmy無悔當初實踐創業夢︰「初頭好多人話我傻，亦唔睇好。但當你用心去做好一件事，人哋係會感受得到。除咗做生意，我仲希望可以推廣寶麗來文化，依家見到啲客認同我做嘅嘢，係最大嘅收穫。」