近日流傳「欄王」劉翔嘅媽媽同「鋼琴王子」郎朗嘅媽媽相遇，兩個「星媽」你一言我一語咁不停交流湊仔經，又扯到佢哋嘅寶貝仔各自為咗自己嘅理想，感情生活一片空白，都有啲擔心，講講下，劉翔媽媽仲主動提出收郎朗做契仔添！
嘩！真唔真呀？傳聞出咗之後，郎朗媽媽已第一時間出嚟闢謠，但仍然阻唔到網友嘅討論，再加上網上又流傳咗張劉翔同郎朗嘅合照，網友更加話：「我能想到最浪漫的事，就是劉翔在跨欄，郎朗在為他彈琴伴奏。」亦有網友高呼：「仔細看看，這兩人還真有兄弟相唷！」