政壇：李漢奸又賣黨撐公文袋

每逢選舉同政治關鍵時刻，外號「李漢奸」嘅白鴿黨創黨主席李柱銘，都會公然賣黨，今年當然亦唔例外。今屆建制派分拆多張名單強攻港島區，外界估計泛民可能四席不保，白鴿黨副主席「單雞」單仲偕同排喺公文袋名單第二位嘅現任議員Tanya陳淑莊，可能「只能活一個」。李漢奸喺呢個關鍵時候，尋日竟然親身力撐公文袋港島名單嘅宣傳活動，仲幫手拍埋短片，親口呼籲港島選民支持公文袋。賣黨賣到咁露骨，真係諗唔明白鴿黨點解唔逐佢出黨。

我哋問清楚李漢奸，究竟會呼籲港島選民投畀邊個，佢推說港島選民配票好叻，例如佢屋企一共有三票，佢自己嗰票必定留畀單雞，但其餘兩人都有意投畀Tanya喎。

今次事件嘅受害者單雞證實，李漢奸有就支持公文袋向該黨申請豁免，並獲中委會批准，真係啞子吃黃連，有苦自己知。參選港島區嘅仲有許清安、葉劉淑儀、劉健儀、勞永樂、劉嘉鴻、鍾樹根、吳榮春、王國興、曾鈺成、吳文遠、何秀蘭同何家泰名單。