政壇：政商定格：謝國忠唱淡勿買內地樓
獨立經濟學家謝國忠係出晒名嘅大淡友，啱啱佢喺廈門大學演講，睇嚟應該會發表佢點睇淡當前鑽石底都隨時會跌破嘅A股。之不過，佢今次主講嘅原來係大陸樓市，同樣係睇淡，仲叫啲人有錢都唔好買樓，有樓嗰啲仲要快啲放咗佢，都咪話唔得人驚！
佢咁講係因為發覺依家內地嘅市場有所轉變，炒房地產嘅回報，增值空間已經唔大，唔應該再存有任何僥倖心態。佢仲話如果以房價同年收入比算嘅話，大陸嘅房價係全世界最高，香港嘅樓價都算高，但房價同年收入比都只係15倍，發達國家亦都只有6倍。相反，大陸北京同上海嘅比例最高，已經去到二、三十倍，所以如果有樓嘅就拿拿臨放咗佢啦！
謝國忠話內地炒房地產嘅回報增值空間已經唔大。（資料圖片）