政壇：陳晴籌款搞領袖慈善跑
聯合國兒童基金（UNICEF）香港委員會主席Judy陳晴，現正籌辦十一月「聯合國兒童基金會慈善跑2012」大型籌款活動。為擴大善款數字，今屆會增設三公里領袖挑戰賽，廣邀社會賢達參賽。雖然佢係碌友情卡，但就親自寫邀請卡送畀每個老友，咁有誠意，又可以做善事，相信大家都會支持。而慈善跑當日佢仲會帶埋到時兩歲大嘅囝囝一齊去湊熱鬧。
講起最近德育及國民教育科鬧得沸沸揚揚，Judy話好關注事態發展，因為佢好關心囝囝將來嘅教育，所以需要多啲了解事件，睇吓點樣將訊息傳遞。但佢就認為唔好咁快為國民教育扣帽子同加標籤，遲啲等囝囝大啲會同佢講吓國民教育，仲會教佢唱國歌添。
陳晴話唔好咁快為國民教育扣帽子同加標籤。