SUN微博：打橫嚟講：奧運看香港廢話人才

香港人才零落，不特止在政壇、娛樂園，今日，就是體育界，也是青黃不接的斷層期，單車選手黃金寶快四十歲矣！仲要臨老上戰場，叫人慘不忍睹，終於輸獲金的，排三十幾敗於倫敦奧運會！

嘿！香港體壇的凋零，唔單只運動員一蟹不如一蟹，連旁述員的表現，也可用「笑爆嘴」來形容，例如旁述舉重比賽時，佢哋竟說：「嘩！你睇，嗰個選手幾好力，一手就舉起個槓鈴喎！」哦！原來，舉重的，有力舉起個槓鈴係好出奇的喎！

另外，有旁述員講單車比賽時，話：「嗰邊正落緊雨，地下會好跣！」哈哈！佢仲話：「嗱！選手掟緊彎……」畫面正正真係直播單車掟彎的情況，我哋都睇到啦！唔使佢講畀我知喎！但旁述員另加一句，仲頂癮啲：「路旁，有好多人觀看呀！」唉！真想死！仲未算呀！佢哋有人插嘴：「每個彎的大細都唔同嘅！啲選手要分別有唔同的技術去處理……」、「踩單車，係高熱能嘅運動……」咁嘅質素的評論，仲衰過啲藝員仔做烟花直播時，不停叫「嘩！好靚呀！嘩！好震撼呀！嘩……嘩……嘩……！」

氣步槍射擊賽時，有位評述員說那選手持槍手勢不正確（吓！出擊奧運，連持槍的基本手勢也會唔掂？），成績一定不會好，點知，該選手射中紅心，正正都無咁正！收皮！我總是那專家評旁述員。有無人話我知，點解九七後，香港乜都衰過人的呢？

彭志銘

次文化考古學家，對城中潮語有深入研究，博徵博引，廢官廢人行埋一邊。

歡迎add我facebook一齊（目及）實政府

email：sunweibo@opg.com.hk

「就係敢爆」網址tv.on.cc/hot