早前表明有意參加立法會香港島直選嘅「事但男」何家泰，尋日趁反國民教育遊行夠多人，喺銅鑼灣至灣仔嘅一段遊行路線擺街站，希望爭取足夠提名票入閘，但係反應甚為冷淡。
事但男尋日除下面罩出場，又多次將街站移位，由下午兩點半鐘開始，先喺糖街擺檔，冇幾耐又移咗去灣仔，期間有一個女助手揮舞字牌，呼籲市民多多支持，爭取簽名提名。
問到選舉嘅嘢，佢好堅定話目標仍係追擊白鴿黨喎，而且提名嗰方面已得到唔少親戚支持o架喇。
「事旦男」擺街站爭取提名參選立法會。
