SUN微博：Sun畸事：倫奧國民教育

小不列癲事頭婆疑似空降倫奧會場，抹去一額汗後，與米國大統領奧巴羊之妻蜜雪兒攀談起來，不料竟釀成外交風波。事頭婆：叛徒！你做咩唔愛國？見到米字旗點解唔感動？聽到「個個揸住個兜……」點解唔落淚？

蜜雪兒：WTF？

事頭婆：毋忘喪權辱國的1783年！米軍當年分裂祖國的罪行，朕銘記一生！今日呢度朕主場，你應該要為米國人是不列癲帝國子民而高興、而「拋鑊」！

蜜雪兒：哦，仲以為咩事，原來發緊小不列癲及北愛爾蘭聯合強國夢！放心啦，蘇格蘭遲早好似我哋咁獨立，到時改名做Queen of Not so Great Britain啦你。

事頭婆：你呢種無父無母無國無黨之徒！睇嚟人哋無話錯你老公，話搞咩醫療改革，原來真係要搞社會主義，要赤化喇！

蜜雪兒：笑甚麼，畜牲，左王羊克思都係貴國先收留咋！再講，你睇清楚下我係咩人？

事頭婆：咩人呀？

蜜雪兒：我係黑人呀！你憑咩要我認同你呢個殖民非洲、殺人如麻嘅政權呀？

（花生友如有對號入座，請食自己）