政壇：莎莎太子爺瞓身慈善P
倫敦奧運開鑼，日前保良局都有個慈善活動喺灣仔君悅酒店舉行，呢個名為「夢飛行」青少年正向人生基金籌募善款嘅活動，主要由一班九十後青年才俊擔綱，其中一位係莎莎郭少明嘅公子郭浩泉（Patrick）。擔任副主席嘅佢，全晚同女友曾天惠跑出跑入，招呼賓客。
呢班由英國海外香港留學生組成嘅United Kingdom Hong Kong Students Philanthropic Society（UHSPS）成員透過多種義工服務，履行「取諸社會，用諸社會」嘅社會責任，當日嘅籌款活動，籌劃時間唔夠半年，加上五月要讓路畀各位同學仔專心考試，所以都好急吓。
不過，佢哋亦有大把人撐，好似郭少明，除咗用公司名義做咗金鑽贊助，仲買枱支持。
郭浩泉（右）站在爸爸郭少明身旁，果然虎父無犬子。