政壇：波波甜品店綵排做局長
新政府架構重組觸礁，累到原會計界立法會議員波波陳茂波（Paul）做財政司副司長嘅大計亦無法實現，最近盛傳佢獲邀轉任發展局局長，頂替因租津風波辭職嘅麥齊光。日前有團體發出新聞稿，指阿Paul剛以「發展局」名義同一班青年人交流會面，中央都未任命喎，阿Paul唔通偷步上咗任？搞清楚至知原來係有人張冠李戴，誤會一場啫。
新聞稿指出，阿Paul日前以「法律援助發展局」主席身份，喺一間甜品店同大約四十位青年人交流法援問題，又話多名與會青年都特登點咗「梁粉」嚟食，以示支持阿Paul呢位忠實嘅特首梁振英粉絲。最後問唔知阿Paul會否由「法援發展局」過渡到「發展局」呢？
陳茂波（中）同大約四十位青年人交流。