政壇：葉劉是其是撐國民教育
國民教育爭論持續，更成為泛民主派逼建制派表態嘅議題，有個別建制派政黨急起上嚟，已經「轉軚」要求押後推行，喺港島區出戰九月立法會選舉嘅新民黨主席葉劉淑儀就硬撐國民教育，佢尋日話，有問題嘅只係個別教材，仲話選舉之後，匯賢智庫會自製一套「客觀」嘅教材畀學校同家長參考喎。
喺英美都留過學嘅葉太尋日舉行花車遊行時指出，國民教育幾乎全世界都有，不應標籤為「洗腦教育」，直斥泛民將有關問題政治化：「依家啲資訊咁發達，學生邊有咁易被洗腦呀？」
已報名參選港島區嘅仲有曾鈺成、鍾樹根、王國興、陳家洛、單仲偕、劉健儀、劉嘉鴻、吳文遠、勞永樂、許清安同吳榮春名單。
葉太（中）強調國民教育幾乎全世界都有，不應標籤為「洗腦教育」。