社福界張國柱議員可能平時睇得太多不雅物品，因此喺佢參選嚟緊九月立會之時，要將相放上facebook嗰陣，發現太多相要打格喇。難怪呢，香港淫審條例咁荒謬，打打佢最穩陣啦！不過咪住先，打咗個樣，但係呢啲咁「不雅」嘅人，都係似曾相識喎，譬如心口有個哲古華拉嘅某長髮男子，依稀可見嘅譚耀宗，仲有啲樣子完全無不雅無打格嘅梁耀忠。講真，柱男議員嘅舉動真係對對胡好難估，娜姐同大衞像呢對見慣各式淫審、身經百戰嘅男女，都嗌投降喇。
（1─4皆為原圖，非經惡搞處理）
