20警圍捕踢拖藏毒男
【本報訊】「通街都係PTU，插翼都難飛啦！」油麻地午夜街頭爆群警圍捕毒販墟冚場面。昨凌晨零時許，一隊藍帽子警員在南京街執行反罪惡巡邏任務，途至白加士街交界，發現一名街坊裝「踢拖男」形迹可疑，遂上前截查，惟該漢作賊心虛，突然轉身拔足逃走，警員啣尾窮追，並通知上級增援。
當時在附近巡邏的同袍接獲通知，立即從四方八面衝往包抄，街坊及途人目睹逾二十名PTU在街頭奔跑，氣氛極為緊張，即駐足圍觀。至於「踢拖男」狂奔二百米後，終於在南京街陷入警網，遭二十警截獲撳地制服。糾纏間一名警員遇反抗受傷，疑犯亦膝部擦損。
事後，警員在姓翟疑犯（二十三歲）身上搜出少量毒品，以涉嫌藏毒及襲警拘捕。有街坊目睹墟冚剿捕過程後，不禁說：「二十幾個PTU捉一人，佢插翼都難飛啦！」
「踢拖男」被制服坐地等候帶署。