政壇：政商定格：周國賢為古玉讀歷史
新鴻基地產代理執行董事周國賢喺新地出版嘅《讀書好》分享閱讀心得，佢話細個讀書時最冇興趣嘅科目就係中史，因為當時老師係個大悶蛋。直至二十幾年前，一位洋人朋友同佢講起上環摩羅街好有趣，於是佢好奇走訪一趟，自此愛上古玉，特別係有二千五百年歷史嘅高古玉。為咗研究當時玉匠雕刻圖樣嘅因由，於是佢開始睇《資治通鑑》，探究戰國時代嘅歷史面貌。
《資治通鑑》愈睇愈有趣，佢仲極力推介年輕人要讀歷史書，無論係金庸嘅武俠小說，定係柏楊版《資治通鑑》，都有助於現代人引古證今，參透人生，當遇上困境時，相信從歷史中可以搵到出路。
周國賢喺收藏古玉嘅過程之中，對歷史產生濃厚興趣。（資料圖片）